Та нартаа...

Миний блогоор орж гардаг, уншаад сэтгэгдлээ үлдээдэг, үлдээдэггүй ч "далдаас" уншсаар байдаг та бүхэнд үдшийн мэнд хүргэе!

Зарим нэгнийг нь таних, уулзаж учирч байсан, үгүйдээ гэхэд чат э-мэйлээр холбогддог байсан анд найзууддаа тэврэлт илгээе!

Арлын оронд одсон Гуталчин найз минь сайн уу? Хөөрхөн энхрий хацраа бумбайлгаад найздаа нэг үнсүүлье гээд ирдэггүй юм байхдаа хихихи. Маамуутай болсноос хойш сураг тасарсан ч хааяа нэг мэнд усаа мэдэлцэж сайн яваагаа дуулгадагт нь баярладаг шүү.

Аастрали гэдэг улсад амьдарч байсан Гилийн хатан аниа сайн уу? Миний ихэнхи уншигчид таны блогоор дамжиж орж ирж байгаа нь таатай санагддаг шүү. Гэр орныхноо сонин сайхан, Зөгийн балхандаа хэрхэн эрхэлж байгаагаа бичих болоогүй юу?

Адуучин залуутай учирсан Тэмээчин бүсгүй сайн уу? Канадад очвол уулзана гэж бодсоор дэлхийг тойрсоор явна муу Мэй нь. Амээрхэд очсон ч цаашаа Канад давах цаг зав гарсангүй.

Блогоо хаана гэсэн амлалтандаа хүрсэн Дамдаа аниагийн амар мэндийг мэдье! Уншиж байгаа гэдэгт найдсаар байгаа шүү. Нөхрийндөө айлчилж, хааяа айлчлуулсаар бодвол бүл нэмсэн байх гэж бодогдож байна яг одоо.

Блогчин дүү Брэмэн минь зургаа зурсаар уу? Монголд байгаа ч уулзаж учирахгүй л явна. Гэхдээ л аниа нь дүүгийнхээ уран бүтээлийн сураг ажигийг анирдаад л явдаг шүү.

Байнга ажлаар холбогддог Чандмань ах минь блогоор маань орж ирж байвал дүү нь баярлаж явдаг шүү гэж хэлээдхэе! Зөөлөн зантай хүнд тусч аргагүй л хуучин цагийн зөв хүмүүжил сайхан чанар нэвт ханхлуулсан ах байдаг гэдгийг уулзаагүй зарим нэгэнд нь дуулгая.

Пандахан Хүнсанаа найзаа, холбоо барилгүй удсанд хүлцэл өчье. Гэхдээ цаадах чинь чамайг жиргээд дагасан байгаа шүү. Чи харин таниагүй л байхдаа. 

Намайг эрэгтэй гэж боддог байсан Тэрбумтан бүсгүй Дээгийд хандаж хэлэхэд чамайг хэзээ тэрбумтан болох юм болоо гээд блогоор чинь шинэ бизнесийн санаа юу байна, алдаа онооноос нь сурчихаар юу байна гэж өлөв долов хийж шагайдаг хүмүүсийн нэг нь би шүү.

За тэгээд Германаас ордог зарим нэг хүнд хэлэхэд илүү дэлгэрэнгүй бичвэл явсаар бүр төрөл садан болчих гээд байнаа хихихи. Та нарын тухай мэр сэр сонин сайханг тэнд байдаг ойрын эх сурвалжаасаа сонсдог юмшдээ би чэн. 

Урд зүгт ураг барилдсан ч хойд зүгт хонгор сэтгэлтэй Цасхан бүсгүй минь орж ирж байгааг нь харсаар байгаа шүү. 

Бусад нэрийг нь үл мэдэх бүх уншигчиддаа хандаж хэлэхэд  хүнд хүргэх гэж биш эсэргээрээ аль болох чимээгүй тэрүүхэн тэндээ л бичиж байдаг намайг гололгүй орж ирж, уншаад үгүйдээ гүйлгэж хараад гардаг чинь гүнээ тарлархая.

Европоос нилээдгүй олон уншигч байдаг бөгөөд ихэнхийг нь хэн болохыг нь би үл мэднэ. Гэвч бүгдэд нь сайн сайхныг хүсч энэ бичлэгээ өндөрлөе ээ.