Зочид буудал хэссэн нь: Цуврал-3

Он дамжиж бичнэ гэж хэн мэдлээ хэхэ.

Нэгэнт эхэлсэн юм дуусгахаас өөр яалтай...

Түрүүчийн бичлэг юу гээд дууслаа? Аа тийм. Тэгэхэд бид нар Улаанбаатар зочид буудалд ороогүй юм аа. 11 сар хэдий ч пиг хүнтэй гээд сул өрөө байхгүй гэсэн.

Монгол чинь одоо тийм их гадаадууд ирдэг аялал жуулчлалын хот болсон юм уу?

Ямар учиртайг мэдэхгүй гэхдээ гадаадууд их байнаа, их байна хэхэ.

За тэгээд Улаанбаатар бүтэхгүй тул арай гайгүй үнэтэй, хотын төвдөө байдаг буудал хайх хэрэг гарч байгаа юм. Нээрээ зэрэглэл нь "орон нутгийн" байх ёстойг бичихээ мартаж. Манай төсөл хариуцагч фин хүүхэн өөрөө "Олон Улсын" зэрэглэлтэй буудалд бууна гэхээр нь Туушинг санал болгосон ч тэд өөрөө Blue Sky Tower-г сонгож буусан байсан. 

Хотын төвд, тэгээд үнэ ханш нь "International" зэрэглэлийн Туушин гэх мэтээс хямд гэж миний сонгосон нь Пума.

БУУДЛЫН ҮНЭ: Пума хэдийгээр Залуучууд, Цэцэг зочид буудлуудаас арай л үнэтэй байсан ч үнэ дагаж чанар гэдгийг бодитоор мэдэрсэн бөлгөө. Тав тухын хувьд урьдах хоёр буудлаасаа хамаагүй илүү. Дээр нь яг талбайн зүүн талд болохоор юм юмандаа ойр.

Өвлийн цагийн хуваарьт шилжсэн байхад нь орсон ба 1 хүний энгийн өрөө нь VAT буюу НӨАТ нэмэгдээд өдрийн 170.000 орчим байв.

Миний орсон нэг хүний энгийн өрөө
Эднийд нарийхан ор байдаггүй байхаа.

Миний орж байсан буудлуудаас хамгийн том өрөөтэй нь эднийх.
Бараг багахаан диско хийчимээр уужим саруул өрөөнүүдтэй

Угаалгын өрөө нь бас их цэвэрхэн, тохилог бас зайтай

Эко зочид буудал гэж би хувьдаа дүгнэсэн. Тэр жорлонгийн татуурга нь
хэрэглэгч өөрөө татах усныхаа хэмжээг мэдэж зохицуулах боломжтой.
Хоёр давхар товчтой, татах товчыг дараад усаа татагдаж байх үед
голын товчыг дарж зогсоож болно  гэхиймуу хэхэ

Ариун цэврийн өрөө болон унтлагын орны дэргэд "Манай дэлхий дээр нэг өдөрт зочид буудлын цагаан хэрэглэлийг
угаахад зориулж маш их ус үрдэг, иймд та эх дэлхийгээ хайрлаж онцын шаардлагагүй бол цагаан хэрэглэл
алчуураа угаалганд өгөхгүй байхыг хүсье" гэсэн утгатай бичиг хадсан байсан.
Яг тэр бичгийн зургийг аваагүй юм шиг байна. Гэхдээ надад юм бодогдуулсан тул аль болох алчуураа
цэвэрхэн хэрэглэж, угаалганд өгөхгүйгээ илтгэж буцааж эвхэж тавьдаг байсаан хэхэ.

Эдгээрийг ч өдөр бүр шинэчлээд бүгдийг 2 ширхэгтэй тавьж өгдөг байсан
Бусад жишээ нь Цэцэг гэх мэт зочид буудалд бүр нэг ч үлдээгүй болсон цагт л сольж өгдөг
байсантай үүнийг харьцуулшгүй.

Оройд ядарсан амьтан ирж энэ Липтоныг өтгөн гэгч нь найруулж уугаад унтдаг байв.
Ханиад, харшил яг эхэлж байсан тул чөлөөт цаг гармагц зочид буудалдаа ирж, орндоо шигдэж унтсаар таарсан

Хатан туул цэвэр ус

Ажлын ширээ. Өргөөн урт энэ ширээн дээр оройдоо ойр зуурын юм хийнэ.
Ядарсандаа болоод юм хийх ч тэнхээгүй байсаар бараг таарсаан

Мини бар
Санаж байгаагаас Сникерс $2 гэхчлэн үнэлсэн байв уу яав

Бүгдийг нь америк доллараар үнэлсэн байсан санагдана

Оройдоо хөөстэй усанд хэвтэж алжаал тайлдаг байв.
Харшлын гаралтай ханиад бараг Астам болох дөхсөн тул үнэндээ
дэн дун байсаар арай гэж ажлаа дуусгасан бөлгөө

Уг нь би тэнд дараагийн төслөө бичье гэж бодсын
Уршигтай ханиаднаас болж бие муудсаар чадсангүй... эдр

Орой зурагт харж хэвтээ байдал хэхэ

Ядарч өмсөж явсан майк, мөрнөөс дэмжигч арьс маханд
 айхтар шигдсэн байсан нь сорвижих шахсныг баталгаажуулсан нь

Аан за одоо буудлын хоол.
Ногоотой банш, арай гэж барсан хэхэ

Хүйтэрсэн, өвөл нэгэнт эхлэсэн тул өглөөд хөнгөн мах,
халуун хоол иддэг байсан бөлгөө.
Шарсан загас

1 давхарт байх Энэтхэг хоолны газар ажил хэргийн яриа өрнүүлсэн
Миний хамгийн дуртай Энэтхэг зоог. Энэтхэг кофе, Наан

Тахиа, Загасны махтай ногоотой шөл,
өглөөний хоолонд

Өвөл эхэлж байсан болоод ч тэр үү хүн цөөхөн байх шиг байв
Өглөөд 10 хүрэхгүй бараг 5-6 хүн л хоол иддэг байсан
Зарим нь буфетаар үйлчлүүлдэг байсан ч байж мэднэ.

Жимсний цуглуулга. 

Миний орсон Монголын зочид буудлуудаас анх удаа өглөөний цайны цэсэндээ загас
оруулсан нь эднийх.
За байз буфет өглөөний хоолоор төлбөртэй үйлчилдэг гэл үү яалаа. Өөрөөр хэлбэл буудалд буухгүй ч гэсэн
өглөөд ирээд буфетээр үйлчлүүлээд гарч болно.

Тахианы мах, ногоотой шөл

Нэг өглөө нилээн оройхон сэрээд

Үнэлгээ. 5-с 5

Бусад буудлуудтай харьцуулахад хамгийн цэвэрхэн, цэлгэр том, бас тав тухтай нь. Ор нь маш өргөн тул нэг буланд нь би тогжийгоо л байдгаараа эвхрээд огтоно шиг юм л унтдаг байсан хэхэ

Монгол маань хүйтэн сэрүүн уур амьсгалтай тул янз бүрийн хорхой шавьж байхгүй амар бага зэрэг хүйтэн, өрөөнд зэвэргэн байсныг эс тооцвол нэг их өөлж гоочлоод байх зүйл байгаагүй ээ.

Байршил, байршил. Яаж ийм гоё байршилтай болсон юм гэж эзнээс нь асуумаар л байлаа хэхэ.

Урд нь хурал, уулзалтаар эдний хурлын зааланд орж байсан болохоор байршил сайтай нэг ийм буудал байдаг гэж мэддэг болсон байсан нь хэргээ гаргасан шүү хэхэ.

ХООЛ УНД: Сайн. Харшлаасаа болоод аль болох бага, илчлэг өндөртэй харшил өдөөчихгүй юм идэж уухыг л чармайж байсан. Тогооч нар нь өөрсдөө зогсож байгаад өндөг шараад өгч байгаа харагдсан ч би шарсан өндгөнд дургүй тул нэг ч удаа амсаагүй ээ. Жимс, тараг, зууш гэхчлэн ер нь янз бүрийн юм байсан ч хүйтэрсэн байсан тул тиймэрхүү юм идэхэд хэцүү байв. Тиймд энэ удаад хоол ундны зураг бага байгаан.

ӨРӨӨНИЙ ҮЙЛЧИЛГЭЭ: Маш сайн. Тав тухыг дээд зэргээр хангаж өгч байсан. Ор нь тун эвтэйхэн хэхэ. Үйлчлэгч нар нь харин бусад буудлаас илүү "ил гарч" байсан. Манай давхрыг цэвэрлэдэг үйлчлэгч бүсгүйтэй би олон удаа бараг өрөөнөөс гарах болгондоо тааралдаж мэнд мэдээд л өнгөрч байсан. Өмнөх буудлынхаа үйлчлэгчдийг "амьдаар нь" хараагүй ээ.

Эцсийн дүгнэлт гэвэл гадна дотноос айлчин ирвэл ПУМА-г санал болгоно. Бүх талаараа таалагдсан учраас. Анхаарал бага зэрэг сарниад жаахан чанаргүй бичлэг болов бололтой.