Хардалт

 За би ер нь их ээ хардамтай этгээд шиг байгаа юм. Өмнө нь хэн нэгэнтэй үерхэж байхдаа хардвал тэгээд л чимээгүй хаячихдаг байсан хэхэ. Асуудлыг биш шүү цаад хүнээ хаха. Үерхэж байхдаа хардаж мардаад ярилцах гэж оролдоод тэгээд үндэслэлтэй ч юм уу за бүтэхгүй нь ээ гэж бодонгуутаа чимээгүй болоод хэд хоног юу ч болоогүй юм шиг харилцаж байгаад л нэг өдөр ор сурагггүй арилаад өгдөг байсан хэхэ.

Дотроо юм санахдаа аймаар байгаа биз. 

Одоо тэгээд олон жил ганцаар явсных хардалт мардалтгүй сайхан л байлаа. Тэгсэн ойроос нэг нөхрийг хардаад бүр уур хүрээд болдоггүй ээ.

Яасан байх уу, миний хайртай нэг "фашист" байдаг юм аа. Ноднин өвөлжингөө гэртээ шигдэж суусных WW-II талаархи бараг бүх киног түүж үзээд, тэгээд нэг кинонд Герман цэргийн даргын дүрийг гарамгай бүтээсэн этгээдийг бишрэн шүтдэг болов оо.

Удалгүй мань этгээдийнхээ хувийн сошиал хуудсуудыг олоод дагаад эхлэв. Хөөрхөн шонтгор шар эхнэртэй, их дажгүй сайхан гэр бүл. Зөв амьдардаг юм байна гээд шохоорхоод дэмжээд зүрх мүрхийг харамгүй дардаг болов.

Гэтэл сүүлийн хэдэн сар мань Фашист маань нэг л биш. ТВ шоунд орсон биш хамтрагч хүүхэнтэйгээ шоуныхаа бүжгийг бэлдэж байгаа бэлтгэлээ хийж байгаа, рекламын зураг авалтанд орж байгаа, амарч байгаа үе гээд байнга нэг шөвгөр хүүхэнтэй тэврэлдэж дээр дороо орж бэлтгэл хийж байгаагаа авхуулсан зураг бичлэгээрээ бөмбөгдөөд болохоо байв. Хаа нэг нөгөө хөөрхөн шонтгор шар эхнэрийн зураг харагдах ч урдынх шигээ хайр мэдрэгдсэн энгийн амьдралын зургууд их ховордож нэг л албархуу, гол төлөв  найзуудын цугларалт, арга хэмжээнд хамтдаа очсон ч юм уу зураг л орж ирж байна. 

Бас нэмээд эхнэр нь бие давхар юм уу даа гээд анзаарадхав хэхэ. Тэгсэн хар хор хөдлөөд уур хүрээд болох биш. Муусайн эрчүүд бүгд адил, удалгүй л хайр халамжаас уйдаад шинэ юм хайгаад эхэлдэг юм гэж бодох ч шиг тэгснээ бас лай л байна даа энэ муу шоундаа ингэтлээ ач холбогдол өгөхдөө яадаг юм амьдралын хамаг утга учраа болгоод гэж дургүйлхэх ч шиг.

Ааа мөн завтай байгаам шүү хахахахахахвааахахах. 

Уг нь бол өөрийн гэсэн хүнээ л хардаж байх байтал хаа хамаагүй танихгүй одыг хардаад энэ лав хөл хорины солио байхаас зайлахгүй хаха.