Амжилт

Хүний сэтгэл санаа ер нь олон юмнаас хамаардаг юм шиг ээ. 8 сараас хойш ханиад хүрч, дархлаа унаад ч тэр үү дагаад сэтгэл санаа навс унаж яажшуухан нэг зовлонгүй мажийх тухай байн байн санааширсаар явтал 10 сар гарчихаж.

Эдгээр өдрүүдэд цөөхөн хоног л өөдрөг бусад үед нь ай бүү мэд... Хэдэн ч хүнийг "хусаж" хаясан юм бурхан л мэдэх байх даа. Энэ өдрүүдэд намайг гэсэн хүмүүсийн сэтгэлийг ойлгож байна.

Хайртай гэж мянга, бүр сая удаа хэлдэг ч миний төлөө хуруугаа ч хөдлөгдөггүй "үхмэл" нэгэн байхад ганц ч удаа хайртай гэх нь бүү хэл ямар ч харьцаа тогтооно гэж яриагүй хэр нь хачин их нөлөөтэй нэгэн ч байна. Эсэргээрээ харилцахад жигтэйхэн амар хялбар, миний хэлж буйг, хийсэн үйлдэл бүрийг маань их энгийнээр хүлээн зөвшөөрч, дэмжиж болж л өгвөл туслаад хажуугаас чадлаараа дэм болчих уу гэсэн өөдрөг нэг нь ч байна. Сөрөг талуудыг нь бичсэнгүй ээ.

За өөр бусад хүмүүсийн тухай яриад ч юүхэв. Бодоод байхад энэ 2 сарын хугацаанд миний гаргасан, олж авсан амжилт гэвэл хаа холын огт уулзаж байгаагүй хүүхнийг ажилд оруулж өгсөн л байх шив дээ хэхэ. 

Түүх ингэж эхлэсэн юм өө, надад нэг төсөл дээр сайн дурын ажилтнууд хэрэгтэй болоод зар тавьж онлайнаар 5-6 сайн дурынхан авч ажиллуулсан. Тэдний хийсэн зүйлс бараг хэрэг болоогүй яагаад гэхээр би өөрөө хийчихээд байсан учраас хэхэ. Захиа явуулаад хийгээрэй гэчихээд дуусах хугацаанаас нь өмнө өөрөө хийж дуусгаад аль хэдийн бэлэн болсон хойно л  тэд хийснээ над руу явуулаад байсан гэсэн үг л дээ. Гэхдээ юм бодоогүй харин ч тэр залуусыг болох бүх аргаар л дэмжиж, заримтай нь холбоотой байсан.

Тэдэн дундаас нэг Араб охин байсгээд л ийм ч сургалт, тийм ч ажилд өргөдөл бөгөллөө та надад тодорхойлолт гаргаад өгөөч гэнэ. Би ч өөрөө тиймэрхүү юманд царай алдаж үзсэн туршлагатай хүн аль болох дэмжиж хэлснээр нь бичээд араас нь хаа хүү юу болов гэж санаа тавиастай. Тэдний улсад хэд хэд очиж байсан, эмэгтэйчүүдийг дэмжих мөн тодорхойлолт бичиж өгөх гэх мэтэд ямархуу хөшүүн хойрго улс гэж мэддэг болохоороо л тэр.

Мань хүн мастер энэ тэрд яагаад тэнцээгүйг мэдэхгүй төлбөрийн асуудал гарсан юм болов уу сурлаа гэж сонсогдоогүй тэгсэн харин Английн элчин сайдын яаманд ажилд орох болж надаар тодорхойлолт захиа бичүүлье гэв ээ. Тухайн цаг үед хичнээн завгүй, ханиад хүрээд үхчих гээд байсан ч зориуд нэг үдэш сууж байгаад бичлээ л дээ. Уг хүний бидэнд тусласан тухай гэхээс илүү яагаад энэ охин шиг эмэгтэйчүүдийг гарааны нөхцөл дээр нь, одоо өөрийн хичээж хүрсэн суурийг нь илүү бодитоор харж дэмжих ёстойг нь өөрийн зүгээс бодлоо оруулаад бараг эссэ маягийн юм бичээд заавал ажилд авч дэмжих нь зөв шүү гэж зөвлөөд явуулсан.

Ашгүй нөгөө охин тэнцэж ээ, ажилдаа орохоор болсон гэнэ. Цаашдаа итгэл дааж сайн ажиллаж өөдөө тэмүүлдэг л байгаа даа гэж санаа зовиносон ч зургийг нь харахад хөөрхөн л охин байсан чаднаа чадна. Хямсгар англичуудын дунд орж нухлагдаад ажил сураад ер нь тэгээд элчинд нэг ажилд орчихсон байхад дараа нь хаана ч сурна, ажиллана гээд дотроо их өег байгаа хэхэ.

Өөр бусад юмсаа дүгнээд бодоход амжилт ч гэх үү санаанд хүрсэн үр дүнгээ авсан юм одоогоор гараагүй байна. 

Намар чи энэ жил намайг их ганхууллаа, сэтгэл санаагаар их тоголлоо шүү нөхөөр! ккк