Бусдад өөрийн мэддэг зүйлсээ хэлж өгч, албан ёсоор хэлбэл багшлах болсоор 10 жилийг ардаа үдэж ээ. Эргээд харахад энэ 10 жилд их юм сурч. Надад байсан давуу тал маань бусдыг ялгаварлан гадуурхахгүй аль болох тэгш хандах, бас суралцагчид, сонсогчдынхоо нөхцөл байдал, уур амьсгалыг хурдан мэдрэх юм уу даа.
Гэхдээ л 10 жил өнгөрчихөөд байхад өөрөө өдөр бүр шинэ юмс сурсаар, суралцагч бүрээсээ шинэ ухаарал авч, сайн муу үлгэр дуурайл олж харж, өөрийгөө өөрчилж, бас өөрийн хувийн зан чанар, арга барилаа зассааар... Би ч тун болооогүй л байна даа хөөрхий...
Өдөр бүр хичээл заадаг гэж ойлгуузай. Мэргэжлийн багш биш ихэвчлэн урилгаар, сайн дураар хичээл заадаг болохоор сардаа 1 удаа ч юм уу эсвэл өөрөө сургалт зохион байгуулдаг байв. Харин сүүлийн сар бараг өдөр бүр хичээл заагаад сүүлдээ шантрах ч шиг. Батлагдсан программ, сурах бичгийн дагуу биш өөрөө бүгдийг эрж хайж, олж боловсруулж, сонирхолтой хэлбэрээр тайлбарлах хэрэгтэй байгаа тул маш их сорилт, бэрхшээл тулгарч байна. Заримдаа тэвчээр барагдах тун дөхөж байгаа ч юм шиг санагдах. Манайд миний заагаад байгаа шиг сургалт байдаггүй тул ёстой бурхангүй газрын бумба галзуурах гэгчээр намайг янз бүрээр хэлж байгааг үл тоон олж авсан туршлага дээрээ үндэслээд зааж байгаа ухаантай хэхэ.
Хүн бүрийн онцлог өөр, заасан бүрийг амархан сураад хөгжөөд явах нэгэн байхад өөрийн мэдлэгийн түвшин, сайжруулах ёстой сул талаа олж мэдэнгүүт өөдөөс хэдэрлэж хэрэлдэж уураа надад гаргах, эсвэл сэтгэлээр унаад хичээж зүтгэхээ болих сурагч ч байна. Зарим нь суусан цагийн мөнгөө надаас нэхэх нь ч байна. Оронд нь пиво авч өг гэсэн хүн ч байна хэхэ. Бүр бусдынхаа ирцийг бүртгэж надад хуурай агсан тавьж ирээгүй хүмүүсийн нэрийг оруулсан байхдаа яадаг юм гэж шөнө дунд залган сэрээж загнах нэгэн ч байна.
За ер нь чамаас сурах юм байхгүй ээ би мэднэ гэж том том ярьж орж ирсэн хүмүүс ихэвчлэн тийм байх. Тэгсэн мөртлөө за та дараагийн сургалтанд ирэх эсэхээ өөрөө мэдээрэй гэхээр гүйгээд ирчихсэн нүүрэн дээрээ үл тоосон царай гаргах ч хүн амьтны нүд хариулж хулгайгаар зааж байгааг маань сурсаар байх ккк. Хааяадаа зөндөө олон тагнуул дунд суучихаад тэдэнд миний тухай хов тараахад хэрэгтэй юмсыг нь харуулж, өөрийн сэтгэл, байгаа байдлаа нууж хаалгүйгээр дэлгэж үзүүлж байгаа юм шиг ч санагдана аа хөөрхий.
Албан ёсны ажилтан, цалинтай цагийн биш бүгдийг өөрийн цаг заваа зохицуулж үнэ төлбөргүй зааж байгаа болоод ч тэр үү би ч иймэрхүү хүмүүсийг харахаар сөрөг уур хандлагыг нь дагаад сэтгэлээр унаж, шантарч за больё доо энэ хүмүүстэй ингэж зууралдаж яадаг юм миний хувьд ашиг орлого орж ирэхгүй, дээрээс нь стрессдэж эрүүл мэндээ муутгаж байхаар тэр цагаа гэртээ ном уншаад унтаж, гадуур сайхан зугаалж өнгөрөөе дөө гэж бодож гутрах нь байна аа.
Гэвч бусад суралцагчдаа жаахаан юм сурчихаад баярлаж хөөрч бас амьдралд нь хэрэг болж, үүнийхээ төлөө ар гэр, ажлаа зохицуулан зохицуулан миний товлож зарласан цагт гүйж ирж бүтэн 2 цаг бүлтийтлээ над руу ширтэж ахиад шинэ юм заагаад өгөөч гэж гуйхаар урам ороод оо хаха.
Уншсан хүнд би нь бүр яахаа алдсан боловсрол муутай, бүтэлгүй бүдүүлэг хүмүүст юм зааж байгаа шиг ойлгогдож байгаа байж магадгүй. Гэтэл тиймгүй ээ, зарим нь төрийн албан хаагчид, тодорхой хэлбэл мэргэжлийн багш нар шүү дээ. Пээшгээ арай ч төрд ийм хүмүүс ажиллахдаа яадаг юм гэж би боддоггүй ээ. Дутагдалтай тал нь тухайн хүн өөрөө гэсэн үг биш харин тэр хүний нэг л хэсэг, нөгөө хэсэгт нь зөндөө ур чадвар, авах юмс байгаа, түүгээрээ энэ хүн цаашаа өөр бусад хүнд ач тус болоод сайн мэдлэг, боловсрол түгээгээд явдаг байх гэж би итгэдэг. Бас ахмад хүмүүсийн сургаж хэлсэн "Хов жив хөөцөлдөөд явбаас нэр хүнд унаж цаг зав дэмий үрэгддэг юм шүү" гэсэн үгийг аль болох санаж хов хөөцөлдөхгүй заах гэснээ заагаад л явахыг хичээсээр. Бусдын алдаа дутагдал, байгаа байдал, амьдарч буй хэв маяг, зан аашийг соргогоор анзаарч, шүүмжилж хардаг хүмүүс байгааг ойлгож байгаа ч тэдэнтэй адилхан байх албагүй гэж боддог оо.
хичээлд нь нэг сууж үзмээр санагдчихлаа ккк
ReplyDelete