Зүүн далавчин дээрээ чиний хумсны сорвитой ч
Зүгээр дээ, би ниссээр л байна
Өд нь дэрэн дээр чинь унаж
Өвдөлт нь цээж рүү хатгасаар
Өөрчлөгдсөн юм алга даа, энэ хавьцаа
Өвдсөөр л байна…
Өөдөөс үсчих далайн давлагааг ширтэн, ардуур тачигнан өнгөрөх галт тэрэгний дугуй доорхи дэр мод дэвхцэх мэт донслон байхыг мэдэрч суухуйд гуниглах хэрэгтэй юм шиг, гэтэл гуниг сэтгэлд хургаж өгөхгүй шаналгах мэт мэдрэмж төрөх...
…
Хагархай шил тэмтрээд өндгөө исгэх төдийд
Хаа сайгүй ув улаан бөмбөлгүүд нисэлдээд л эхэлдэг
Зүрх шиг цохилох ийм олон бөмбөлөг дунд хэвтээд
Зүрхээ нэг нэгээрээ хэрхэн хагарахыг хараад
Хэзээ мөдхөн, ирэх юм шиг санагдах чамайг хүлээн
Хэвтсээр л байна
Хэвтсээр л байна…
Зүгээр дээ, би ниссээр л байна
Өд нь дэрэн дээр чинь унаж
Өвдөлт нь цээж рүү хатгасаар
Өөрчлөгдсөн юм алга даа, энэ хавьцаа
Өвдсөөр л байна…
Өөдөөс үсчих далайн давлагааг ширтэн, ардуур тачигнан өнгөрөх галт тэрэгний дугуй доорхи дэр мод дэвхцэх мэт донслон байхыг мэдэрч суухуйд гуниглах хэрэгтэй юм шиг, гэтэл гуниг сэтгэлд хургаж өгөхгүй шаналгах мэт мэдрэмж төрөх...
Зун бололгүй намар болсон юм шиг нутгаасаа нисэн холдоход дотроо баяр төрөх ч бас зэрэгцээд туйлдах мэт мэдрэмж нөмрөн авдаг.
Бодох юмгүй бас санаашран санах зүйлгүй зүгээр л нүдний өмнө байгаа таньж мэдэхгүй харь газрыг сонирхон харжээ суухад сэтгэл хоосон гэдгээ бүр ч илүү ойлгох.
Хагархай шил тэмтрээд өндгөө исгэх төдийд
Хаа сайгүй ув улаан бөмбөлгүүд нисэлдээд л эхэлдэг
Зүрх шиг цохилох ийм олон бөмбөлөг дунд хэвтээд
Зүрхээ нэг нэгээрээ хэрхэн хагарахыг хараад
Хэзээ мөдхөн, ирэх юм шиг санагдах чамайг хүлээн
Хэвтсээр л байна
Хэвтсээр л байна…
Сэтгэл зүрх минь энд харийн тэнгэр дор, далайн эрэгт хэвтсээр л байна, далавчаа сул дэлгэн хаяад амарч байх аятай хэвтсээр л байна, хэвтсээр л байна...
Comments
Post a Comment