Яваад л ирэв

2017 оны эхний аялал, албан томилолтоо дуусгаад ирэв.

Зүүн өмнөд Азид очлоо. Алтан сүмээр гайхуулсан Сиам арлаар очиж албан ажлаа амжуулав. Гэхдээ нутгийн иргэд нь сиам нэрэндээ тунчиг дургүй юм байна лээ. Хужаа нар тэгж нэрлэсэн гээд л. Миний хувьд Сиамын ихэр гэж л мэдэхээс энэ талын мэдлэггүй явсан болохоор басчиг сонирхов.

Миний хамгийн дуртай байсан зүйлс нь: Массаж, мэдээж Тайландад очсон хүмүүс хамгийн түрүүнд Тай массаж хийлгэхийг зорих нь тодорхой. Эндээс явахад найз нөхөд, танилууд хаашаа явах гэж буйг минь сонсоод хоёр зүйл биеэр, нүдээр үзэхийг аминчилж захьсан юм.

Эхнийх нь Лэйдибой

Удаах нь Тайланд массаж тэр дундаа секс массаж хэхэ.

Лэйдибойг ч яахав энд тэнд мэр сэр харлаа. Гудамжинд нээх туранхай гулжигнасан гэхдээ аятайхан биетэй дамшиг явж байна лээ, өгзгөндөө харин их ээ том сликон шахуулсан байсан шүү. Урдаас нь харахаас санаа зовоод ойртож очоогүй.

Харин Тай массажыг нь нилээн хэд хийлгэсэн ч секс массаж гэдгийг "үзэх хошуу" дутлаа ээ хэхэ. Сураг сонсох нь ээ нэмэлт үйлчилгээ нэрээр байдаг гэхдээ голдуу эрэгтэйчүүдэд зориулсан байдаг ба хүүхнүүдэд хийдэггүй шахам л гэсэн.

Ердийн массажийг хэд хэд хийлгэж алжаалаа тайлаад амжив. Сэнгэнэсэн гавар, тансаг үнэртэнд оюуны алжаалаа тайлангаа массаж хийлгэж нухуулж биеийн алжаалаа тайлуулах сайхан байлаа.

Зөвөлгөө өгөхөд эрэгтэй массажист сонгосон нь дээр шүү. Эмэгтэй массажистууд хэтэрхий зөөлөн бас гар нь амархан цуцдаг болоод ч тэр үү гурилдах гээд байдаг санагдсан.

Дараагийн миний дурыг татсан зүйл нь элбэг дэлбэг хоол. Тайчууд хоол хүнсээр их арвин баялаг юм байна лээ. Гудамжинд мэлхийний мах шараад л зарна тэр нь бас дажгүй амттай гэж байгаа.

Жимс бол төрөл төрлөөрөө.

Нээрээ Америк найз дуу алдаад би хэзээ ч ийм олон төрлийн жимс, амттан харж байгаагүй ээ гэсэн шүү. Бас манайд аль хэдийн ороод ирсэн И-Март байдаг даа тэрний давхар хооронд урсдаг лифтэн шаттай адилхан шат тавьсан дэлгүүрийг шагшаад манай Америкт байхгүйшдээ гэж байна лээ. Би бол нээх итгээгүй ээ. Урд нь тийм урсдаг шаттай дэлгүүр харсан л санагдаад байхын хаана харснаа санадаггүй ээ. Тайваньд билүү Германд эсвэл магадгүй Португальд ч байж мэднэ. За энэ ч яахав.

Дургүй хүргэсэн зүйл гэвэл чихэлцэлдсэн олон хүн. Үнэн ядаргаатай санагдлаа. Өдөр бүр хаана ч гэсэн тийм чихэлцэлдээн дунд амьдардаг гэхээр шууд бухимдал төрж байгаа юм чинь.

Тайландчууд их сайхан найрсаг зантай зочломтгой хүмүүс юм байна лээ. Нээрээ мэдээлэл болгож хэлэхэд хааны нас барсан гашуудал нь ирэх намар хүртэл үргэлжлэх болохоор хар хувцас голдуу өмсдөг, албан ёсны арга хэмжээ энэ тэр нь гашуудалтай байгаатай холбогдуулаад хар хувцас өмсөхийг сануулж байсан шүү. Гудамж талбайд ч ялгаагүй. 

Мөн зааны янз бүрийн үзүүлбэр багассан бараг байхгүй болсон байх. Амьтан зовоохгүй ч гэл үү эрхийг нь хамгаалж байгаа ч гэл үү төрөл бүрийн үзүүлбэр зураг зурах тоглолт хийх энэ тэр нь байхгүй харин унаад зургаа авхуулж болох болсон шиг байна лээ.

За тэгээд Тайландад очвол үзэж харах юм дуусахгүй их сайхан орон байв.

Манайханд их найрсаг хандаж байна лээ, олон ч монгол тийшээ аялаж байгаа гээд онгоцонд цуг суугаад явна лээ. Та нар ч боломж байвал очоод амраад аялаарай даа.