Монголдоо буцаж ирээд нисэхээс гэртээ харих замдаа Улаанбаатраа бодлогшрон ширтэж бусад орноос юугаараа давуутай бас дутуутай болохыг олж харахыг хичээж явлаа. Мэдээж Монгол шиг цөөхөн хүн амтай улсыг бусад улстай харьцуулна гэдэг утгагүй. Гэхдээ л оролдов...
Тэгээд юу гэж бодсон бэ гэвэл эхлээд Яармаг хавь руу орж ирэхэд Оросын аль нэг хот шиг санагддаг, дараа нь Энхтайвны гүүр давах дөхөхөөр Хятадын аль нэг муж хотод яваа шиг сэтгэгдэл төрж эцэст нь төрийн ордны барааг хармагц яагаад ч юм Хойт Солонгост ирсэн юм шиг баргар, гунигтай санагдах...
Миний Монгол гээд бусдаас онцгой ялгарах, гайхуулах, өөр хаана ч байхгүй дээ гэж бардамнах юм манай хотод үнэндээ үгүй.
Удаан хугацаагаар биш хэдхэн хоногоор яваад ирсэн болоод ч тэр үү буцаад хаашаа ч юм яваад өгмөөр санагдав л...
Мөрөн гол дуугаа дуулж
Мөнгөн сарьдаг мишээдэг дээ...
Тэнгэр уулын өвөр бэл ч гэх юм уу Түвдийн өндөрлөг уулс даван нисч явахад энэ мөр өөрийн эрхгүй санагдаад байсан. Онгоцын цонхоор цайран харгадах мөнх цаст сарьдаг өндөр уулсыг хараад өөрийн эрхгүй л дуу алдаж явлаа. Цас нь янз бүрийн хэлбэр дүрстэй болж хунгарлаад инээх, баярлах, гуних, гуйж залибирах, ихэрхэх гэхчлэн янз бүрийн хувиралтай хүний царай адил л харгадах юм билээ.
 |
| Энэ зөвхөн хагас цастай л уул. Жинхэнэ гайхалтай мөнх цастай уулс дээгүүр явахдаа нүдээр үзэхийг эрхэмлээд зураг аваагүйн |
Авсан зураг хөргөө чимэг болгож оруулах гэснээ яагаад ч юм түдгэлзэв. Залхуураа юу, гэхдээ ганц нэгийг тавилгүй яахав.
Мөнх цаст уулсаас холдон Түвдийн гүн рүү орж ирэхэд бов бор шороон хөрстэй үргэлжилсэн уул нурууд тэгсэн хирнээ нов ногоон нуур бүхий уул толгод тасралтгүй үргэлжилэх нь айдас ч төрөм санаа ч алдам.
 |
| Суурин газар нь ялгагдахгүй л шороон өнгөтэй |
Амьддаа заавал Тэнгэр уулын хаяанд очно доо гэж өөртөө амласан. Ирэх жилүүдэд Түвд тур хийх санаа байна. Одооноос судлаад хүмүүстэй холбоо тогтоогоод эхлэсээн. Сая явахдаа Лхасаар дайрч ниссэн болохоор Улаанбаатраас Лхас орох талаар багагүй туршлага хуримтлуулав.
 |
| Энэ нуурын нэрийг мэдэж амжсангүй. Ямдог гэхчлэн алдартай нурууд олон л байдаг гэсэн |
Сайн хайгаад үзвэл Эйр Чайнагийн хямд билет ч олдохоор. Цастын орон гэж Түвдийг зүгээр ч нэг нэрлээгүй болохыг тэнгэрийн төмөр хүлгийн цонхоор нүдээр харав л. Их бага нийлсэн 1500 орчим нууртай энэ орныг эрхшээсэн Хятдуудыг үзэн ядах ч хэцүү гайхан бишрэх ч хэцүү.
Миний судалж мэдснээр Хонг Конг, Макогийн иргэд мөн Төрийн, Дипломат ажилтнууд мэргэжлийн зураглаач, сэтгүүлчид Түвдэд нэвтрэх эрхгүй ба бусад аялагчид аялахыг хүсвэл 2 ч зөвшөөрөл авч байж л Түвдэд нэвтэрдэг юм байна лээ. Гэхдээ нилээдгүй олон газар нь бан хийлгэсэн тул очиж үзэж болохгүй гэсэн.
Ямартай ч очиж үзэхээр бодон бодон судалж л байна. Харин манайхны очоод байдаг Дээд Монголчуудын амьдардаг Хөх Нуур орчим нь Түвдийн гүн рүү биш тул бас ч гэж гайгүй болов уу.
Comments
Post a Comment