Цухасхан бодлууд

Буухиа шуудан явуулах гэж зогсоход анзаарч төрсөн бодол: 

Манайхан бичиг баримт бүрдүүлэхдээ хайнга гэх үү эсвэл өөрийнхөө үзэмжээр боддог уудам дэлгэр сэтгэлтэй гэх үү... Бэлхээн визэнд ороход бүрдүүлэх материалуудын жагсаалтыг нэгд нэггүй тухайн улсын сайтууд нь бэлтгэсэн байхад тэр дагуу биш дутуу, огт өөр харваас бүтэхгүй материал бэлдэнэ.

Онцын хэрэгцээгүй материалуудыг бөөн бөөнөөр нь хавсаргана...

Тэгээд хөөрхийс азанд найдаад лам бөөгөөр гүйгээд нөгөө хуулсан канондсон зүйлсээ буухиа шуудангаар бөөн бөөн мөнгө төлж явуулна даа. Дор хаяж 50.000 төгрөг пурхийнэ. Хамгийн багаар бодоход шүүдээ. Энэ үнэнд визний төлбөр, VAC төвийн төлбөр гэх мэт ороогүй зөвхөн нэг талдаа буюу Монголоос Бээжин рүү ч юм уу явуулах буухиа шуудангийн мөнгө орж байгаа юм.

Мэдээж шаардлага хангахгүй материал бүрдүүлсэн бол виз нь гарахгүй шүүдээ. Хар тамга дараад л буцаана. Зарим нэг нь бол номын дагуу бүрдүүлдэг л дээ гэхдээ олон аавын хүү, ээжийн охин маш их мөнгө төлж хохирч байна даа.

Ихэнхи улсын ЭСЯ нь Бээжинд эсвэл Флиппэнд байдаг болохоор маш их зардал гарна. 

Ганц өдөр хальтхан шуудангаар ороод гарахад ийм бодол төрөх...

Манай залуус гадагшаа явы ямар ч хамаагүй аргаар очоод харлаад ажил олж хийе гэх юм. Миний хувьд нилээн хэдэн газраар очиж байсан ч харлаад үлдэх бодол төрж байгаагүй. Үлддэг юмаа гэхэд нэг л өдөр баригдаад ачигдаад ирэх хооронд дэмий  зардал гаргаж юу хийнэ гэж боддог. Ном журмын дагуу биш л бол хэзээ ч бодсон шиг мөнгө хураагаад баяжаад ирдэггүй л гэж боддог.

-Визэнд орох гэсэн юм чи их олон газраар явсан хүн аргалаад өгөөч... Иймэрхүү хүсэлтийг олон найзаасаа дуулж байсан. Гэхдээ би яаж л аргалах вэ дээ. Зөвөлгөө өгнө. Манайхан болох юм байсан ч заавал арын хаалга хайдаг зан нь мөд арилахгүй шинжтэй. 

Эх орон маань эзэнгүй л байна даа. Тоосонд дарагдсан хот маань цөхөрсөн шинжтэй, ард иргэд царай баргар, нүд гунигтай... Би ч ялгаагүй баргар царайлаад олныхоо дунд урсаад алхаж явна.

Гэхдээ л урин цаг ирж, усны шувууд ганганах дөхөөд ард иргэд, мал сүрэг маань байгалиа дагаад нуруу тэнийж, сэтгэл уужирч баясах нь сайхан. 

Нээрээ гэм би эмнэлгээр яваад л байгаа шүү. Эдгээгүй новшроод энэ баруун Европын тахал намайг туйлдуулж гүйцэв.

Сайхан болноо сайхан болно...