Амар мэнд

Монголдоо ирчихсэн, цагаан сараа хийчихсэн байгаагаа дуулгаюу....

Бөөн бөөн ажил төлөвлөж, гялалзуулна даа гээд нисээд ирсэн байхгүй, хэхэ.

Он гараад хоёр ч удаа хагалгаанд орж, хоёр хөлөө нэг нэг сайн зүсүүлж ухууллаа.

Олон цаг нисдэг, нэг их зугаалдаг гэж гаднаас харгаддаг хүн бодит амьдрал дээр гайхуулах юм биш. Ядаргаагаа дийлэхгүй над шиг ялам энхрий биетэй хүн бол дороо өвдөж байна шдэ. Нээрээ өмнөх бичлэгт дурдсан Португали орныг байн байн санаад л хэхэ. Германаас илүү санаж байна шүү.

Монголдоо сайхан байнөө. Бүүдгэр тэнгэртэй Европоос нарлаг уужимхан Монголдоо ирээд нутгийн тэнгэр, нарыг санасан болохоо мэдрэв.

Одоогоор гэр зуур, эмнэлэг рүү хөлөө чирж санжигнаад мэс заслын орон дээр шархаа угаалгах гэж үсээ зулгааж урт урт шүүрс алдаж ёолсон шиг явж байна. Хажуугаар нь бас зүгээр байхгүй ээ ажлынхаа шинэ дүрмийг засах, хуулийн байгууллагад хандах гэхчлэн мэр сэр юм сэмхээн амжуулаастай.

Өдрийн хэд унтаад барагддаггүй сайхан нойртой болсон. Гэхдээ зүүд бол ниад ниад хэхэ. Би өвдөхөөрөө нам унтаад үхсэн юм шиг зүүдлэх ч үгүй байгаад байдаг сонин хүн байгаам.

Цаагуур чинь хүмүүс цөсөө угаагаад хамаг бие нь хөнгөрөөд гээд байх юм. Нэг угааж үзьюү гэтэл бас сулбайж унаад төвөг болох юм болов уу гэж биеэ чагнаастай.

Шарх онгорхой байгаа болохоор амралт сувилал, эрүүлжүүлэх чийрэгжүүлэх бүгдийг мартааский. Дор хаяж нэг хоёр сар алцагнаж гүйж чадахгүй шинжтэй. Хажуугаар эгч иогийн дасгал энэ тэр хийхээр горьдоод гэдэг шиг хиймээр хорхой хөдлөөд байхын. Аньж ядаж байгаа нүхээ улам тэлж томсгохын нэмэр гэсэн шиг тэсээд л сууж байна хэхэ

Сар шинэ сайхан болсон. Нам тайвандуу өнгөрөөлөө. Уг нь ирэх эмэгтэйэчүүдийн баярыг угтаад хүүхнүүддээ нэг сайхан чуулган зохиогоод урам өгөөдхөе гэтэл гарч орж гүйж чадахаа больсон тул санаа алдаад хойш тавив.

Олон цагаар урдынх шигээ РС дээр суух ч аргагүй болсон тул бас нилээдгүй олон ажил цалгардах шинжтэй. Хэвтээгээрээ утсан дээр ганц хоёр файл засах гэтэл мөддөө дуусдаг юм биш. Хагас хугас зассан болоод sent. 

Өөртөө цаг гаргана энээ тэрээ гэсэн бодлоосоо няцаад. Өөрийгөө арчилж тордоод дасгал хийгээ элдэв юм идэж уугаад, нүүр биедээ нялж гүйсээр залгуулаад өвдчихсөн болохооор харшилаас эмээгээд байгалиараа арзайж сэгсийгээд элдэв юмнаас холхон сууж байгаа бас.

Сая нэг Нөүтбүүкээ нээснийг хэдэн юм харж, хажуугаар нь энийг бичиглэсэн болов